343
Қарсыласын жеңген Қуат Хамитов 10 млн теңге сыйақыға ие болды
Қуат Хамитов пен Нұрберген Шәріпов 10 минут бойы жеңімпазды анықтай алмады
Белгілі ММА шеберлері Қуат Хамитов пен Нұрберген Шәріпов Алматыда басталған жаңа Nomad Wrestling турнирінде кездесті.
Sportnews.kz хабарлауынша, лиганың дебюттік турнирінде барлық жекпе-жек түрлерінің мықты балуандары жиналып, 10 миллион теңге көлеміндегі бас жүлде үшін таласатын болады.
Формат – екі раунд, әрқайсысы бес минуттан, ұпай есептелмейді. Егер жеңімпаз анықталмаса, нәтиже шыққанға дейін экстра-раунд өткізіледі.
Алғашқы кездесуде танымал ММА шеберлері Қуат Хамитов пен Нұрберген Шәріпов бақ сынады. Спортшылар 10 минут бойы жеңімпазды анықтай алмады. Нәтижесінде экстра-раунд басталып, Қуат тейкдаун жасап, кездесудің жеңімпазы атанды.
