Қазақстан құрамасы ММА бойынша әлем чемпионатында 7 алтын медаль жеңіп алды
Әлем чемпионатында 66 елден келген 920-ға жуық спортшы бақ сынап жатыр
10-14 желтоқсан аралығында Индонезия астанасы Джакартада ересектер арасында GAMMA World MMA Championships 2024 аралас жекпе-жек өнері бойынша әлем чемпионаты өтіп жатыр.
Tengri Sport мәліметінше, 66 елден келген 920-ға жуық спортшы тартысты жекпе-жектерде бақ сынауда.
Қазақстан құрамасының қоржынында қазірдің өзінде жеті алтын медаль бар. Ең жоғары дәрежедегі марапат иегерлері арасында семейлік спортшылар Амир Алқанов (56,7 келі) пен Сайран Сағындықов (65,8 келі), оралдық Мейрамбек Әубәкіров (74,9 келі), сондай-ақ елордалық спортшы Ерназ Мұсабек (56,7 келі) бар. Бесінші алтын медаль Атырау қаласынан келген Айда Хайруллинаға (72,6 келі) тиесілі. Күміс медальдарды Меруерт Ибраева мен Нұркеш Анас жеңіп алды.
Сондай-ақ 79,4 келі салмақта ақтөбелік спортшы Айдын Төлепбай өзбекстандық қарсыласы Ұлықбек Рахмоновты техникалық нокаутпен жеңді. Ал 93 келі салмақта көкшетаулық Мансұр Шақгиреев өте қиын жекпе-жекте Жаңа Зеландиядан келген Жиссе Кингиді төрешілердің бірауыздан қабылдаған шешімімен жеңді.
