128
Астанада көпқабатты тұрғын үйден өрт шықты (ВИДЕО)
ТЖМ құтқарушылары түтінді аумақтан баспалдақ маршымен 6 адамды құтқарып, 10 адамды эвакуациялады.
Астананың сол жағалауында «Манхэттен» тұрғын үй кешенінің жетінші қабатынан өрт шықты.
Өрт сөндірушілерге бүгін сағат 15:42-де Нұра ауданы Әнет баба көшесінің бойындағы тұрғын үйде пәтер өртеніп жатқаны туралы хабар түскен. Жалын 15 шаршы метр аумақты шарпыған.
«7-қабаттағы пәтерде жиһаз бен үй заттары жанған. ТЖМ құтқарушылары түтінді аумақтан баспалдақ маршымен 6 адамды құтқарып, 10 адамды эвакуациялады. Зардап шеккендер жоқ», - деп мәлімдеді ТЖ министрлігі.
Қазір өрт толығымен сөндірілген.
