Қазақстан шорт-тректен Италияда өткен турнирде 3 медаль жеңіп алды

Қазақстан құрамасы шорт-тректен Италияның Бормио қаласында өткен Alta Valtellina Trophy халықаралық турнирінде үш медаль жеңіп алды.

Нәтижесінде біздің құраманың қоржынында екі алтын, бір күміс медаль бар. Нұртілек Қажығали 1000 метр қашықтықтағы жарыста жеңімпаз атанды.

Сондай-ақ, ерлер командасы эстафетада үздік нәтиже көрсетіп, турнирді бірінші орынмен аяқтады.

500 метр қашықтықта Валерий Клименко күміс медаль иеленіп, екінші нәтиже көрсетті.