272
Оқушылар құрақтан Сәкен Сейфуллиннің портретін жасады
Ерекше портретті астаналық оқушылар құрастырған.
Астанадағы Сәкен Сейфуллин атындағы №80 мектеп-гимназиясының мұғалімдері мен оқушылары төртбұрышты құрақтан биіктігі 6 метр және ені 4,5 метр болатын үш бәйтеректің бірі бейнеленген портретті жасады, деп хабарлады turkystan.kz порталы Elordainfo.kz сайтына сілтеме жасап.
Қолдан жасалған көлемді қолөнер жұмысында Сәкен Сейфуллин бейнеленген. Жұмысты жасау үшін бір жарым ай уақыт жұмсалған. Шеберлер 2 700 төртбұрышты құрақшаны қолданған. Бұл әсерлі жұмыс көпшіліктің ықыласына бөленіп, мектептің құнды бұрышына айналды.
Айта кетейік, мұғалімдер мен оқушылар бұл қолөнер жұмысын Сәкен Сейфуллиннің 130 жылдық мерейтойына арнады.
