Жамбыл облысында 2 азаматтан аса ірі көлемде есірткі тәркіленді

Ұлттық қауіпсіздік комитеті Жамбыл облысында екі азаматтан аса ірі көлемде есірткі тәркіленгенін мәлімдеді.

Дерекке қарағанда, осы жылдың қазанында ҰҚК Жамбыл облысы бойынша департаменті прокуратура органдарының үйлестіруімен есірткіні аса ірі көлемде тасымалдады және сатты деген күдікпен екі есірткі тобының әрекетінің жолын кесті.

«Өңірдегі Т.Рысқұлов және Меркі аудандарында 14 кг-дан астам гашиш пен 42 кг марихуананы сатуға әрекеттенген екі Қазақстан азаматы ұсталып, сот санкциясымен қамауға алынды», — деп нақтылады ведомстводан.

Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілуде.

Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды.