Қазақстан мектептерінде стоматологиялық кабинет ашылуы мүмкін

Денсаулық сақтау министрі Ақмарал Әлназарова мен оқу-ағарту министрі Ғани Бейсембаев Астанадағы №95 мектепте болып, оқушыларға қатысты бірқатар мәселені талқылады.

«Оқушы саны 1000 баладан асатын мектептерде стоматологиялық кабинет ашу мәселесі талқыланды. Бүгінде 6 өңірде 98 кабинет жұмыс істеп тұр. Онда дантистер қабылдау жүргізеді. Әрі қарай «Сау тіспен болашаққа» жобасының аясында кезең-кезеңмен мектеп жасындағы барлық баланы қамту жоспарланып отыр», - делінген баспасөз хабарламасында.

Балаларға, әсіресе өтпелі кезеңде психологиялық көмек көрсету мәселесі талқыланды. Мектеп психологтарына арнап оқыту курстарын өткізу туралы шешім қабылданды.