Ақмола облысында жүк пойызы рельстен шығып кетті

Ақмола облысындағы Сұрған стансасында жүк пойызы рельстен шығып кетті. Таңертең пойыз қозғалысы қалпына келтірілді

9 қазан сағат 17:40-та Есіл-Құсмұрын учаскесінің Сұрған стансасында электровоз бен жүк пойызының вагондары рельстен шығып кеткен.

Зардап шеккендер жоқ. Компания өкілдері оқиғаның себептерін тексеру үшін комиссия жіберілгенін мәлімдеді.

Ал 10 қазан сағат 03:50-де Сұрған стансасы бойынша пойыздарды өткізу үшін қозғалыс ашылған. Бұл уақытқа дейін апат салдары жойылған.

Жолаушылар пойыздары өткізілгеннен кейін осы учаскеде қалпына келтіру жұмыстарын жүргізу үшін «толаскез» беру жоспарланған.