"10 минут бойы мәселенің шешімін таппасаңыз, серуендеңіз": Зерттеушілер Стив Джобстың кеңесі пайдалы екенін анықтады

Жұмыста қиын мәселе туындап, үстел басында 10 минуттан астам уақыт ойланғаныңызбен, әлі де шешім таба алмай отырсыз делік. Не істеу керек? Егер сіз Стив Джобс болсаңыз, бұл сұрақтың жауабы оңай болар еді: орныңыздан тұрып, серуенге шығу керек.

Ұзақ серуендеу — ол үшін маңызды әңгіме жүргізудің ең жақсы тәсілі болатын, — деп жазды Джобстың өмірбаянын жазған Уолтер Айзексон. Аңызға айналған дизайнер Джони Айв: «Біздің көп уақытымыз тыныш серуендеумен өтетін», — деп еске алады.

Джобс туралы кез келген кітапты немесе мақаланы оқысаңыз, ол көбіне-көп жаяу жүргенін байқайсыз.

Джобстың үнемі серуендеуі таза ауаға деген сүйіспеншіліктен ғана емес. Ол нейробиологияның қазір дәлелдеп отырғанын іштей сезген еді – серуендеу мидың жұмысын жақсартып, үстел басында шешілмеген мәселелерді жеңілдетуге көмектеседі.

Сондықтан қазіргі заманның кемінде бір нейробиологы барлығымызға Джобс секілді «10 минут ережесін» ұстануды ұсынады: егер қиын ойлау мәселесін 10 минут ішінде шеше алмасаңыз, орныңыздан тұрып, серуенге шығыңыз.

Бұл ұсынысты Кембридж университетінде білім алған нейробиолог, Hyperefficient: Optimize Your Brain to Transform the Way You Work кітабының авторы Миту Сторони ұсынады. Жақында HBR IdeaCast подкастында ол миды тиімдірек жұмыс істетуге арналған көптеген идеяларымен бөлісіп, 10 минут ережесін атап өтті. 

«Менің кейбір клиенттерім бар, және... бір басқарушы директор, егер компьютер алдында 10 минуттан бері шеше алмай отырған мәселесі болса, орнынан тұрып, серуенге шығады», — дейді Сторони.

Сторони миды бұлшықеттерге ұқсамайды деп түсіндіреді. Егер сіз құрастыру желісінде физикалық жұмыс істеп, детальдарды бұрап бекітумен айналыссаңыз, бұлшықет шаршағанша жұмыс істеуге болады. Күшті көбейту әдетте нәтижені арттырады. Ал, ой еңбегінде бәрі басқаша.