Беларусь президенті Александр Лукашенко өзінің қауіпсіздігін қорғайтын заң қабылдатпақ.
Александр Лукашенко елдің парламентіне Қылмыстық кодекске өзгерістер енгізу жөніндегі жобаны жіберді.
Өзгеріс енгізу арқылы «президент пен экс-президентке қатысты зорлық-зомбылық немесе зорлық-зомбылық қаупі» жауапкершілік бекіту көзделген. Бұл туралы Беларусьтың "Зеркало" сайты хабарлады.
Лукашенко Қылмыстық кодекске «Беларусь Республикасының президентіне, өз өкілеттігін тоқтатқан Беларусь Республикасының президентіне қатысты зорлық-зомбылық немесе қауіп» деген бап енгізуді ұсынды.
Аталған бапта Беларусь президентіне, бұрынғы президенттеріне және экс-президенттердің отбасы мүшелеріне қатысты «зорлық-зомбылық немесе зорлық-зомбылық қаупі, мүлікті жою немесе бүлдіру» үшін үш жылдан сегіз жылға дейін бас бостандығын шектеу немесе бас бостандығынан айыру жазасы қарастырылған.
