Кения және Орталық Африка Республикасында індет тарады
Африкалық ғалымдар бұл ауруды тоқтату қиынға соғатынын ескертті.
Кения және Орталық Африка Республикасы "маймыл шешегі" деген атпен танымал mpox індеті таралғанын мәлімдеді, Африка денсаулық сақтау мамандары вакцина жеткіліксіз аймақтарда аурудың таралуын тоқтатуға тырысуда. Бұл туралы euronews.com жазды.
"Маймыл шешегі" деп аталатын mpox, жабайы жануарлардан шыққан вирустан пайда болып, кейде адамдарға жұғып, сол арқылы басқаларға таралады.
Біз елдің 7-аймағында өршіп тұрған маймыл шешегіне байланысты қатты алаңдап отырмыз, – деді дүйсенбіде Орталық Африка Республикасының денсаулық сақтау министрі Пьер Сомсэ.
Mpox 2022 жылы әлемнің 100-ден астам еліне таралып, жаһандық алаңдаушылық тудырды және ондаған жылдар бойы Орталық және Батыс Африканың кейбір бөліктерінде эндемия саналды. Африкалық ғалымдар бұл ауруды тоқтату қиынға соғатынын ескертті.
