Шымкентте кене шағып алған ер адам көз жұмды
Ол 18 маусым күні аса ауыр жағайда жансақтау бөліміне түсіп, 21 маусымда көз жұмған
Кене шағып, Конго-қырым қанды геморрагиялық қызбасынан ер адам қайтыс болды. 61 жастағы азамат Шымкент қалалық инфекциялық ауруханасында көз жұмған. Медициналық қызметке тым кеш жүгінген науқастың өмірін дәрігерлер құтқара алмады, деп хабарлады turkystan.kz ontustik.tv-ге сілтеме жасап.
Кене шағуынан қауіпті вирус жұқтырып, қаза тапқан адам Түркістан облысының тұрғыны. 18 маусым күні аса ауыр жағайда жансақтау бөліміне түсіп, 21 маусымда көз жұмған.
Түркістан облысының тұрғыны өте ауыр жағдайға түсіп, қаза болды. Өте кеш болды, ауруының төртінші күнінде түсті. Бізге келгенде ол кісінің барлық жағынан қанау белгілері байқалды. Екінші жағдай Шымкент қаласының тұрғыны, ол 12 жасар бала. Жатқанына сегіз күн болды, протокол бойынша 14 күн бақылап, үйіне шығарылады. Қазіргі жағдайы орташа ауыр, - дейді инфекциялық аурухананың бас дәрігері Бақтығали Ережепов.
