Астаналық тұрғын бір бөлмелі үйге 937 адамды тіркеген
Пәтер иесінің заңсыз әрекеті сотта толық дәлелденіп, сот үкімімен 2 жылға сотталды.
![Астаналық тұрғын бір бөлмелі үйге 937 адамды тіркеген](https://turkystan.kz/cache/imagine/1200/uploads/resized-images/2024/07/1720600838.jpg)
Елордада бір бөлмелі пәтерге мыңға жуық адамды тіркеген тұрғын сотталды, деп хабарлады turkystan.kz.
Астана қалалық прокуратурасы көші-қон заңнамасы талаптарының сақталуын тексеру шеңберінде жалпы ауданы 35,7 шаршы метр бір бөлмелі пәтерде 937 адам тіркелгенін анықтаған болатын. Заңсыз көші-қонды ұйымдастыру фактісі бойынша қылмыстық іс тіркелді.
Пәтер иесінің заңсыз әрекеті сотта толық дәлелденіп, сот үкімімен пәтердің иесі ҚК-нің 394-бабының 1-бөлігі бойынша сотталды. Ол бойынша 2 мың АЕК-ке дейін айыппұл салу немесе 600 жүз сағатқа дейінгі мерзімге қоғамдық жұмыстарға тарту, не 2 жылға дейінгі мерзімге бас бостандығын шектеу көзделген. Алайда, ведомство өкілдері сотталушыға тағайындалған жаза жөніндегі ақпаратты нақтыламады.
Үкім заңды күшіне енді.