Елімізде жаңа көлік сатылымы 2 есе өсті
Бұл бір жыл бұрынғыға қарағанда 105%-ға артық.
Елімізле жаңа көлік сатылымы 2 есе өсті. Статистикалық мәлімет Бірінші кредиттік бюроның Data Hub Telegram-арнасында жарияланды.
Кәсіпорындарды іріктеу байқауының негізінде алынған ҚР ҚР СЖРА ҰСБ мәліметіне сүйенсек, 2023 жылы бөлшек сауда ұйымдары жалпы сомасы 1,9 трлн теңге болатын жаңа жеңіл көлік сатқан, бұл бір жыл бұрынғыға қарағанда 105%-ға артық.
Жылдық көлемнің 60% Астана мен Алматы қалалары құраған және олар жылдық динамикаға айтарлықтай үлес қосқан. ҰСБ қанша бірлік автокөлік сатылғанын көрсетпеді. Бірақ ауқымды түсіну үшін сәл басқаша болса да, Қазақстанның автокөлік одағының бағалауын алайық. 2023 жылы ресми дилерлерден 199 мың жаңа жеңіл және коммерциялық көліктер сатып алынған, 2022 жылға дейінгі өсім 60% құрады. Ал пайдаланылған көліктер ше? Мұнда кәсіпорындардың жеңіл көлік сатылымдарының да көлемі 51%-ға өсіп, 363 млрд теңгеге жетті. Қайталама нарық сауда орындарына қарағанда кеңірек екендігін айта кеткен жөн. Салалық бағалауларға сәйкес, бұл сегменттегі мәмілелердің жалпы саны жаңа автокөліктерге сұраныстың қайта бағдарлануына байланысты тоқырауға ұшырады, - деп жазылған хабарламада.
