Елімізге әкелінген 40 мың келі шие Қырғыз еліне қайтарылды

Қырғыз Республикасынан Қазақстанға келе жатқан 900 кг шие карантинге жатқызылған азиялық жидек дрозофиласымен залалданған фактілері расталды.

Елімізге әкелінген 40 мың келі шие Қырғыз еліне қайтарылды
istockphoto.com

Мемлекеттік карантиндік фитосанитариялық бақылау арқылы залалданған тәтті шиені әкелудің әрекеті тоқтатылды. Бұл жайлы  АШМ Агроөнеркәсіптік кешендегі мемлекеттік инспекция комитеті мәлімдеді.

Өткен аптада Қырғыз Республикасымен (Жамбыл облысы) шекаралас аумақта орналасқан «Қарасу» фитосанитариялық бақылау бекетінде карантинге жатқызылған «тәтті шие» өніміне карантиндік фитосанитариялық бақылау жүргізу кезінде карантиндік объектінің болуына күдік болған кезде зертханалық сараптама жүргізу үшін өнім үлгілері алынды.

Карантиндік зертханалардың қорытындысы бойынша карантиндік нысанмен – Қырғыз Республикасынан Ресейге бара жатқан 2 автокөлікке тиелген 20 500 кг және 18 800 кг "тәтті шие", сондай-ақ Қырғыз Республикасынан Қазақстанға келе жатқан 900 кг шие карантинге жатқызылған азиялық жидек дрозофиласымен залалданған фактілері расталды. Өнім иелерінің әрқайсысына қатысты 20 АЕК мөлшерінде әкімшілік айыппұл түріндегі шаралар қолданылды. Сондай-ақ карантиндік нысанмен залалданған барлық карантинге жатқызылған өнім экспорттаушы ел Қырғыз Республикасына қайтарылды, - делінген хабарламада.

Азиялық жидек дрозофила (Drozophila suzukii) – Қазақстанда карантиндік маңызы бар кең таралмаған карантиндік нысан саналады. Бұл зиянкестер жүзім, құлпынай, шабдалы, өрік, шие, таңқурай және т.б. сияқты жеміс-жидек дақылдарының 60-қа жуық түрін зақымдайды. Ұзындығы 2-3 мм Азиялық жидек дрозофиласының ересек фазасында, қызыл көздері бар, денесі ашық-қоңыр немесе сарғыш-қоңыр, іште қара көлденең жолақтары болады. Азиялық жидек дрозофиласы, дрозофиланың басқа түрлерінен айырмашылығы, бүлінбеген піскен жемістерді мекендейді және оларды жейді, егінге айтарлықтай зиян келтіреді. Ол ұрықты дерлік байқалмайтын кесулермен зақымдайды, содан кейін жұмыртқа салады. Жұмыртқадан шыққан дернәсілдер өмір бойы ұрықтың ішінде қоректенеді, бұл оның тіндерінің жұмсаруына және шіріп кетуіне әкеледі.

Карантиндік нысандар адамның өмірі мен денсаулығына зиян тигізбейтінін, бірақ ауыл шаруашылығына айтарлықтай зиян келтіруі мүмкін екенін есте ұстаған жөн.