396
Жетісу облысында жалған шот-фактура жазумен айналысқан тұрғын ұсталды
285 млн теңгеден астам сомаға келтірілген шығын толығымен өтелді.
![Жетісу облысында жалған шот-фактура жазумен айналысқан тұрғын ұсталды](https://turkystan.kz/cache/imagine/1200/uploads/resized-images/2024/05/1716461176.jpeg)
Жетісу облысының тұрғыны мүліктік пайда алу мақсатында тауарды нақты жеткізбей, жұмысты орындамай, қызмет көрсетпей, жалған шот-фактуралар жазып беруді ұйымдастырған, деп хабарлады turkystan.kz.
Бұл деректі Қаржылық мониторинг агенттігі анықтады. Тергеу барысында аталған азамат басқа ЖШС-нің атына өзі бақылайтын ЖШС атынан мүліктік пайданы өндіру мақсатында шот-фактураларды беру әрекетін ұйымдастырып, нәтижесінде аса ірі көлемде залал келтіргені анықталды.
«Тергеу барысында 285 млн теңгеден астам сомаға келтірілген шығын толығымен өтелді. ҚР ҚПК 201-бабына сәйкес тергеу мүддесіндегі өзге де мәліметтер таратылуға жатпайды», - делінген хабарламада.