439
Шавкат Рахмонов әлемдегі үздік файтерлердің тізіміне енді
Шавкат Рахмонов үздік 20 файтердің рейтингіне (P4P) енді.
![Шавкат Рахмонов әлемдегі үздік файтерлердің тізіміне енді](https://turkystan.kz/cache/imagine/1200/uploads/resized-images/2024/05/1715336428.jpeg)
Қазақстандық аралас жекпе-жек шебері Шавкат Рахмонов cалмақ дәрежесіне қарамастан үздік 20 файтердің рейтингіне (P4P) енді, деп хабарлады turkystan.kz.
Sport Plus Qazaqstan сайтының мәліметінше, аталған рейтингте Рахмонов 20-орынға жайғасқан. Бұл тізімге қазақстандық аралас жекпе-жек шебері алғаш рет қосылып отыр. Рейтингте Ислам Махачев көш бастап тұрса, Алекс Перейра екінші, Леон Эдвардс үшінші орынға табан тіреген.
Шавкат Рахмонов соңғы жекпе-жегін 2023 жылы желтоқсанда Лас-Вегас (АҚШ) қаласында өткізіп, америкалық файтер Стивен Томпсонды мерзімінен бұрын жеңген еді. Шавкаттың MMA-дағы рекорды – 18-0.