Күн ыстықта жұмыс істеу адам денсаулығына қандай қауіп төндіреді?
"Бүйрек емес, өкпе емес, жүрек емес, ол ең алдымен жүйке жүйесі істен шығарады", - дейді ғалым.
Гидтер мен фермерлер, миллиондаған адамдар қатты ыстықта да далада жұмыс істейді. Бұл біздің денсаулығымызға қандай қауіп төндіреді?
Грекияның Трикала қаласындағы Фессалия университетінің профессоры Андреас Флурис бастаған зерттеу тобы жұмыс кезінде жылудың ағзаға әсерін зерттейді.
"Егер ауа температурасы 39-39,5 градус цельсийден жоғары көтерілсе, мидың температурасы жүйке жүйесінің жұмысына әсер ете бастайды. Бір сәтте ми бас жұмыс істеуден тартуы мүмкін, бұл қайғылы жағдайға апарып соғуы ықтимал, біз оны жылу соққысы деп атаймыз", - деп түсіндіреді профессор Флурис.
Оның зерттеулері ми мен жүйке жүйесінің ыстыққа ең сезімтал екенін көрсетеді.
"Бүйрек емес, өкпе емес, жүрек емес, ол ең алдымен жүйке жүйесі істен шығарады", - дейді ғалым.
Ыстықта өзіңді жайсыз сезіну, кеуденің ауырсынуы және тыныс алудың қиындауын сезу - мәселенің алғашқы белгілері. Ми мен дененің қызып кеткен кезде, жұмысшылар жұмысын тоқтатып, демалып, су ішіп, көлеңке табуы керек. Профессор Флуристің айтуынша, бұл шаралар олардың денсаулығы мен өнімділігін сақтайды.
