730
Лицензиялық турнир: бүгін бозкілемге кімдер шығады
Жолдама сарапқа салатын финалдық белдесулер 17:00-ге жоспарланған
![Лицензиялық турнир: бүгін бозкілемге кімдер шығады](https://turkystan.kz/cache/imagine/1200/uploads/resized-images/2024/04/1713678329.webp)
Қырғызстан астанасы Бішкек қаласында күрес түрлерінен өтіп жатқан лицензиялық турнирде бүгін грек-рим күресінің шеберлері Париж Олимпиадасының жолдамаларына таласады, деп хабарлады turkystan.kz.
Kazinform агенттігінің мәліметінше, аталған турнирде грек-рим күресінен Олимпиада ойындарының 12 жолдамасы сарапқа салынады.
Жарыс жолына шығатын қазақстандық балуандар:
60 келі - Айдос Сұлтанғали
67 келі - Мейіржан Шермағанбет
77 келі - Демеу Жадраев
97 келі - Олжас Сырлыбай
130 келі - Әлімхан Сыздықов.
Алғашқы іріктеу сындары Астана уақытмен 09:30 да басталады. Ал жолдама сарапқа салатын финалдық белдесулер 17:00-ге жоспарланған.