Ғылым және жоғары білім министрі Саясат Нұрбек Сеул мэрі О Се Хунмен кездесті, деп хабарлады turkystan.kz.
Тараптар қазақстандық студенттерге шәкіртақы беру туралы меморандумға қол қойды.
Биылдан бастап Сеул қаласының әкімдігі Қазақстан азаматтарына жасанды интеллект, робототехника, биология, финтех/блокчейн сияқты техникалық және инженерлік мамандықтарға магистратурада оқу үшін 5 білім грантын бөледі. Қазақстандық студенттер Оңтүстік Кореяның төрт жетекші университетінде (Sungkyunkwan University, Kyung Hee University, Hanyang University, University of Seoul) білім ала алады.
Сондай-ақ министр С.Нұрбек пен Кенгидо провинциясының білім басқармасының басшысы Им Тэ Хи мырзаның кездесуі өтті. Кездесу аясында ҚР Ғылым және жоғары білім министрлігі мен Кенгидо провинциясының білім басқармасы арасында педагогикалық жоғары оқу орындарын бітірген қазақстандық түлектерді провинция мектептерінде орыс тілін оқыту үшін Оңтүстік Кореяға жіберу туралы меморандумға қол қойылды.