641
Алматыда су тасқынынан зардап шеккен өңірлерге 1 тоннадан астам гуманитарлық көмек жиналды
Қабылдау пункті аптаның соңына дейін жұмысын жалғастырады.
![Алматыда су тасқынынан зардап шеккен өңірлерге 1 тоннадан астам гуманитарлық көмек жиналды](https://turkystan.kz/cache/imagine/1200/uploads/resized-images/2024/04/1712055315.jpeg)
Елімізде су тасқынынан зардап шеккен өңірлерге гуманитарлық көмек жинау жалғасуда, деп хабарлады turkystan.kz.
Алматы қаласы әкімдігінің мәліметінше, небәрі үш күнде алматылықтар 1 тоннадан астам гуманитарлық көмек жинады. Бұл азық-түлік, бірінші кезекте қажетті заттар, киім-кешек және т.б. Көмек қолын созуға қала тұрғындары, кәсіпкерлер және белсенді жастар атсалысты.
Алматы қаласы Алмалы ауданының комьюнити орталығында ашылған қабылдау пунктінің жұмысына қаланың 10-нан астам ірі волонтерлік ұйымы мен 50-ден астам ерікті жұмылдырылды.
Айта кетсек, қабылдау пункті аптаның соңына дейін жұмысын жалғастырады. Гуманитарлық көмекті күн сайын сағат 10.00-ден 19.00-ге дейін тапсыруға болады.