Қостанай облысының құтқарушылары өңірде су тасқыны жағдайы ушығып бара жатқанын ескертті, деп хабарлады turkystan.kz.
Nege.kz сайтының мәліметінше, облыстық ТЖД қызметкерлері жергілікті тұрғындарға үндеу жасаған. Қардың белсенді еруі мен жауын-шашынға байланысты 14 аудан қауіпті аймаққа енгізілген.
Төтенше жағдайлар департаменті «Қазгидромет» РМК мәліметі бойынша 31 наурыздан бастап Қостанай облысы аумағында ауа температурасының күндіз +20 градусқа дейін көтерілетінін және аптаның ортасында түнде өңірдің солтүстігі мен шығысында жаңбыр жауатынын хабарлайды. Осыған байланысты, облыстың оңтүстік өңірлерінде су тасқыны жағдайының қайтадан қиындау қаупі жоғары, - делінген хабарламада.
Бұған қоса Ресей Федерациясының аумағынан ірі өзендер арқылы су ағыны артуы мүмкін.
Жітіқара, Денисов, Қостанай, Қарабалық, Федоров аудандары мен Бейімбет Майлин ауданы су ағынының қауіпті аймағында орналасқан.
