Қазақ эстрадасының жарық жұлдызы Мақпал Жүнісова наурыз мерекесіне дайындықты бастап кетті. Өнер иесі желіде наурыз көже дайындап жатқан сәтінен видео жариялап, елді тәнті етті, деп жазады turkystan.kz NUR.KZ сайтына сілтеме жасап.
Мақпал Жүнісова наурыз мерекесіне қалай дайындалып жатқанын Instagram парақшасында көрсетті. Әнші жариялаған видеодан оның өз үйінде наурыз көже дайындап жатқанын көруге болады. Өнер иесі барша отандастарын келе жатқан мейраммен құттықтап, ақ тілегін білдірді.
"Құрметті халайық, келіп жеткен наурыз мейрамы құтты болсын. Отбасыларыңызда береке, мереке болсын. Еліміз аман болсын, ақ мол болсын. Міне Наурыз көжемізді дайындап жатырмыз. Тойдан тойға жете беріңіздер", - деді Жүнісова.