Элеватордың кептіргіші отқа оранды.
Шығыс Қазақстан облысында 20 тонна астық салынған элеватор өртенді, деп хабарлады, turkystan.kz.
ШҚО Төтенше жағдайлар департаменті баспасөз қызметінің мәліметінше, өрт 8 наурызда Глубокое ауданы Предгорное ауылында шыққан.
Элеватордың кептіргіші отқа оранды. Кептіргіште шамамен 20 тонна астық болған.
«Қазіргі уақытта қызыл жалынмен күрес жалғасуда. Сол жерге департаменттен барлығы 32 адам және 9 техника, «Васкен» ЖШС-ның 6 адамы мен 1 техникасы жұмылдырылды. Сондай-ақ қосымша көмек ретінде өрт сөндіру пойызы да жолға шықты», - делінген ақпаратта.
