23 ақпан күні сағат 12.00-де облыс аумағында ауқымды сейсмикалық оқу-жаттығулары өтеді, деп хабарлады turkystan.kz.
Сол күні сиреналар іске қосылады.
Altainews.kz сайтының мәліметінше, дабылды естіген бойда кәсіпорын, білім беру объектілері, әкімдік және т.б қызметкерлері жер сілкінісі кезіндегі іс-қимылдар бойынша қауіпсіз жерге шығуы керек.
«Сейсмикалық оқу-жаттығуы кезінде сасқалақтап, дүрбелеңге салынбай, барынша сабырлы болу қажет. Дабылды естіген бойда ғимараттан шығуға немесе қауіпсіз жерге баруға тырысыңыз», - дейді ШҚО ТЖД мамандары.
Сондай-ақ құтқарушылар сейсмикалық қауіпті аймақта тұратын тұрғындарға дәрі-дәрмек, қажетті заттар мен құжаттар салынған дабыл чемоданын дайындап қоюға кеңес береді.
ШҚО ТЖД мамандары тұрғындардан сейсмикалық жаттығуларына белсене қатысуды сұрайды.