Кәсіпқой бокстан орта салмақта WBO және IBF тұжырымдары бойынша әлем чемпионы, қазақстандық боксшы Жәнібек Әлімханұлы (15-0, 10 КО) WBA бойынша тағы бір дивизион белбеуі бар кубалық боксшы Эрисланди Ларамен (29-3-3, 17 КО) жұдырықтасқысы келетінін мәлімдеді.
«Мен Лараны түсінбеймін. Ол бірден үш титул үшін жұдырықтаса алады. Мен де онымен жекпе-жекке шықсам тек қуанамын. Неге чемпионмен төбелеспеске? Мен оны түсінбеймін. Жәнібек пен Лара! Керемет жекпе-жек болады емес пе? Ендеше ұйымдастырайық», - деп жазды Әлімханұлы X әлеуметтік желісінде.
Айта кетейік, қазақстандық Жәнібек Әлімханұлы – орта салмақ дәрежесінде өнер көрсететін шаршы алаңда әлі жеңіліп көрмеген кәсіпқой боксшы. Ол қазан айынан бері өзіне қарсылас таппай жүр.