Алматыда жол апатынан полицейлер зардап шекті
Басқа мән-жайлар анықталып жатыр
![Алматыда жол апатынан полицейлер зардап шекті](https://turkystan.kz/cache/imagine/1200/uploads/resized-images/2024/01/1705246645.webp)
Алматыда Достық пен Әл-Фараби даңғылдарының қиылысында жантүршігерлік жол апаты болды. Алматы полиция департаменті өкілдері істің мән-жайын айтты, деп хабарлады turkystan.kz Massaget.kz-ке сілтеме жасап.
Оқиға 14 қаңтарда сағат 16:10-да Әл-Фараби даңғылымен батыс бағытта, Достық даңғылының қиылысында болған. Toyota автокөлігінің жүргізушісі С. есімді ер адам есін жоғалтып, Достық даңғылының бойымен оңтүстік бағытта келе жатқан автобуспен соқтығысқан.
"Одан әрі Toyota инерция арқылы тоқтап тұрған Chevrolet патрульдік көлікпен соқтығысты. Зардап шеккендерге - Toyota көлігінің жүргізушісі мен полиция қызметкеріне медициналық көмек көрсетілді", - деп хабарлады полиция.
Басқа мән-жайлар анықталып жатыр. Видеода бір көліктің аударылып, ал патруль көлігінің қатты зақымданғаны көрінеді.