967
Қазақ ұлттық аграрлық университетінде 43,8 млн теңге жымқырылған
Сондай-ақ университетке тиесілі 7,9 млн теңгеге коммерциялық үй-жайды жалға беру кезінде алаяқтық фактілері анықталды.
Алматы прокурорлары аграрлық университеттегі ұрлықты анықтады, деп хабарлады turkystan.kz Kazinform-ға сілтеме жасап.
Алматы қаласының прокуратурасы Қазақ ұлттық аграрлық зерттеу университетін тексеру қорытындысы бойынша жалған тұқым себу және егіс алқаптарын өңдеу арқылы бюджет қаражатын ұрлау фактілерін анықтады.
Келген шығын — 43,8 млн теңге, тергеуді Алматы қаласы прокуратурасының сотқа дейінгі тергеп-тексеру басқармасы жүргізіп жатыр.
Тағы бір жағдайда университетке тиесілі 7,9 млн теңгеге коммерциялық үй-жайды жалға беру кезінде алаяқтық фактілері анықталды.
Сотқа дейінгі тергеу Медеу ауданының полиция бөліміне тапсырылды.
