Қазақстанның кей өңірлерінде 25 градус аяз болады

Қазгидромет синоптиктер Қазақстанда алдағы күндері ауа райы қандай болатынын болжады. 

Қазақстан аумағының басым бөлігінде әлі де тұрақсыз ауа райы сақталады.

«Жауын-шашын, негізінен қар, боран, көктайғақ, екпінді жел болады. Тек елдің оңтүстік-шығысында ауа райы негізінен жауын-шашынсыз болады деп күтіледі. Республиканың солтүстік-батысы мен солтүстігінде түнде температураның 0-13-тен 5-25 градус аязға дейін өзгеруі күтіледі», - делінген хабарламада.