Алматыда полиция қызметкерлерін соққыға жыққан
Видеоға түсіп қалған кадрлардан жігіттердің бейәдеп сөздер айтып, кейін полицияға шабуыл жасағанын көруге болады.
Алматыда полиция қызметкерлері патрульдік іс-шара кезінде көлікті тексеру үшін тоқтатты. Көліктегі жігіттер қарсылық көрсетіп, полицияға шабуыл жасаған.
Оқиға видеоға түсіп қалған. Кадрлардан жігіттердің бейәдеп сөздер айтып, кейін полицияға шабуыл жасағанын көруге болады. Олар тәртіп сақшыларының бірінің ернін жыртып, мұрнын сындырған.
Видеода мас күйінде полиция қызметкерлерінің заңды талаптарына бағынбаған ер адамды ұстау фактісі түсірілген. Сонымен бірге, төрт ер адам өздерінің заңсыз әрекеттерімен тоқтатылған Toyota Camry автокөлігінің жүргізушісіне қашып кетуге мүмкіндік берген, ол да мас күйінде болуы мүмкін. Оқиғаға қатысушылардың әрекетіне құқықтық баға беріледі, – делінген Алматы қалалық Полиция департаментінің хабарламасында.
Қызметтік тексеріс тағайындалды.
