«Қазгидромет» РМК 16-18 желтоқсанға арналған ауа райы болжамын жариялады, деп хабарлады turkystan.kz.
Еліміздің бүкіл аумағында осы аптада аязды ауа райы сақталды. Оған себепші болған антициклон біртіндеп солтүстік-шығысқа жылжи бастайды.
«Осыған байланысты аяз әлсірейді. Солтүстік Атлантика циклонының әсерінен қар жауады, бұрқасын көтеріліп, көктайғақ болады. Ел бойынша жел күшейеді», - делінген хабарламада.
Синоптиктердің мәліметінше, түнде ауа температурасы батыста 0-10 аязға дейін, солтүстік-батыста, солтүстікте, орталықта, оңтүстікте және оңтүстік-шығыста 5-15 аязға дейін біртіндеп жоғарылайды. Ал шығыста 22-35 градус аяз әлі де сақталады.