Астана әуежайы жаңа режимде жұмыс істейді, деп хабарлады turkystan.kz.
Ақпарат әуежайдың instagram парақшасында жарияланды.
«Астана әуежайы - Орталық Азиядағы ең ірі авиациялық тораптың бірі. Біз жолаушыларымыздың сапарын жайлы әрі қауіпсіз қылу үшін жұмыстанамыз.Елорда әуежайы 2016 жылдың 25 қаңтарынан бастап «тыныш әуежай» режимінде жұмыс істейді», - делінген хабарламада.
«Тыныш әуежай» - әуеайлақтың жұмысы кезінде туындайтын шуды, артық дыбыстарды азайтуға бағытталған.
«Біз сіздердің рейсті күту кезінде көптеген эмоцияларды бастан өткеретіндеріңізді түсінеміз, сол үшін де әуежай аталмыш кедергілерді азайтуды көздеді. Сондықтан ақпараттық таблоны мұқият әрі жіті бақылауларыңызды сұраймыз. Табло рейстердің ұшу және қону уақыты туралы өзекті ақпаратты көрсете отырып, сіздерге бағыт-бағдар береді. Осылайша сіздер өз уақыттарыңызды тиімді жоспарлап, рейстен кешігу жағдайының алдын ала аласыздар», - делінген хабарламада.