«Атырау U21» командасының ойыншысы Дулат Талыспаев Данияның «Кёге» футбол клубынан шақырту алды. Қақпашы шетелдік футбол клубымен келісімшартқа қол қойды, деп хабарлады turkystan.kz Kazinform-ға сілтеме жасап.
«Атырау» футбол клубының баспасөз қызметінен мәлім еткендей, екі комнаданың арасында ынтымақтастық меморандумы жасалған.
«Биыл ақпанда «Атырау» командасының оқу-жаттығу жиынына жасөсіпірім қақпашы Дулат Талыспаев та қатысты. Сол кезде атыраулық қақпашы 8 матчта 41 сейв жасады. Бұл – оның жеке рекорды. Осылайша, атыраулық қақпашы даниялық клуб жаттықтырушыларының назарын аударды. Содан соң футболшы «Кёге» футбол клубының басшылығымен келісімшартқа қол қойды», - деп хабарлады жергілікті футбол командасының баспасөз қызметі.