Алматы облысы Іле ауданы Жәпек батыр ауылында мектеп оқушылары жаппай төбелескен, деп хабарлады облыстық Полиция департаментінің баспасөз қызметі.
Оқушылардың төбелесі әлеуметтік желіде тараған. Оқиға 29 қарашада болды.
«Тексеру барысында 9-сынып оқушысы мен 2007 жылғы 10-сынып оқушысы арасында келіспеушілік туындап, кейіннен жаппай төбелеске ұласқаны анықталды», - дейді ведомство.
Қажетті тергеу әрекеттері басталды. Қазіргі күні оқушылармен психологтар жұмыс істеп жатыр.
«Сонымен қатар төбелескен жасөспірімдердің ата-аналарына қатысты ҚР ӘҚБтК-нің 127, 435-баптары бойынша 17 әкімшілік хаттама толтырылды. Ал 4 оқушы жансақтау бөліміне түсті деген ақпарат жалған. Балалардың барлығы дін-аман, үйінде», - дейді ПД баспасөз қызметі.