1463
Ақмола облысында үй өртеніп, 3 бала қаза тапты
6 айлық сәби ғана аман қалған
25 қарашада Ақмола облысының Целиноград ауданындағы Рахымжан Қошқарбаев атындағы ауылда үй өртеніп, үш кішкентай бала қаза тапты, деп хабарлады turkystan.kz Халық үніне сілтеме жасап.
Оқиға орнына жеткен өрт сөндірушілер өрттен 2 жасар ұл мен 6 жасар қыздың мәйітін алып шыққан. Кейін үйінді астынан тағы 1 бала өлі табылды. Тек 6 айлық сәби аман қалған. Ол оқиға орнына жеткен жедел жәрдем қызметкерлеріне тапсырылды.
Ақмола облысының өрт сөндірушілеріне өртті сөндіруге арнайы екі көлікпен келген 12 адамнан тұратын астаналық құтқарушылар көмектесті.
Құзырлы органдар әзірге басқа мәлімет берген жоқ.
