«Барыс» бүгін Астанада ойын өткізеді
Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Северсталь» (Череповец) командасына қарсы өткізеді, деп хабарлады turkystan.kz Kazinform-ға сілтеме жасап.
Кездесу бүгін, 12 қарашада күні, сағат 17:00-де басталып, «Qazsport» телеарнасынан тікелей эфирде көрсетіледі.
Екі команда бұған дейін 29 мәрте кездесті.
Оның 15-і елордалық клубтың басымдығымен аяқталса, қалғанында ресейлік команда жеңіске жетті.
Турнир кестесінде «Барыс» 28 ойыннан кейін 23 ұпаймен 21-орында тұр.
Aл «Cеверсталь» 27 ойыннан кейін 30 ұпаймен 15-орынға орналасты.
