Қандай тағамдар арықтауға көмектеседі

Ресейлік терапевт дәрігер, эндокринолог және медицина ғылымдарының докторы Зухра Павлова арықтауға көмектесетін тағамдар тізімін жариялады, деп хабарлады turkystan.kz Stan.kz-ке сілтеме жасап. Оның сөзінше, түскі асқа 30-40 минут қалғанда ағзаның жұмысын жақсартуға көмектесу үшін бір стақан жылы су ішу керек.

«Су асқазанда біршама орын алып қана қоймай, сонымен қатар тойымдылық гормоны – холецистокинин түзілуін күшейтеді. Жалпы, бізге су әрқашан қажет!» - деді дәрігер.

Маман, сондай-ақ, арықтау үшін күндіз сорпа ішу керек дейді.

«Ол орташа майлы болуы керек, сорпада тағамның қатты бөліктері болуы маңызды және оны асықпай шайнау керек. Ыстық сорпа (борщ, щи, балық сорпасы немесе ет сорпасында қайнатылған кез келген көкөніс сорпасы) да холецистокинин өндіруге көмектеседі», - деді ол.

Алайда несеп қышқылымен байланысты проблемасы бар адамдар үшін ет сорпасы, сондай-ақ қымыздық немесе асжапырақ қосылған сорпаларға тыйым салынады. Ыстық сорпа ішкен адам тез тойып, артық тамақтанбайды.            

Серіктес жаңалықтары