Ажар Ғиният қандай жағдайда отставкаға кететінін айтты

Жетісу облысының халқымен кездесу кезінде Денсаулық сақтау министрі Ажар Ғиният қандай жағдайда отставкаға кетуге дайын екенін айтты, деп хабарлады turkystan.kz. Министр бірнеше медициналық нысандарды аралап, одан кейін өңір тұрғындарымен кездесті. Zakon.kz-тің жазуынша, облыс белсенділерінің бірі Ажар Ғинияттан: «Егер өңірдегі денсаулық сақтау саласындағы проблемалық мәселелер тиісті түрде шешілмесе, отставкаға кетуге дайынсыз ба?» - деп сұрады.

«Егер менің атқарған жұмысым жеткіліксіз болып жатса немесе Президент мені қабылдап, дұрыс жұмыс істемей жатқанымды айтып, отставкаға кетуімді сұраса, онда мен оған дайынмын», – деді Денсаулық сақтау министрі.

Денсаулық сақтау министрінің Жетісу облысындағы жұмыс сапары екі күнге созылды. Бүгін, 2023 жылдың 13 шілдесінде Ажар Ғиният Астанаға аттанады.  

Серіктес жаңалықтары