Елімізде халқы ең жас өңір белгілі болды

Қазақстанда 2022 жылы қартаю индексі 28,2 болды. Осылайша көрсеткіш бір жыл ішінде 1,6 пайыздық тармаққа өсті. Бұл дегеніміз, 0 мен 15 жас аралығындағы әрбір 100 балаға 65 жастан асқан 28,2 қариядан келеді деген сөз деп хабарлады turkystan.kz. Ұлттық статистика бюросы мәліметінше, өңірлер бөлінісінде ең жоғары индекс ШҚО-да – 56,9, одан кейін Солтүстік Қазақстан – 56,3 және Қостанай облыстары – 48,9. Бұл ретте, халқы ең жас өңір – Маңғыстау облысы. Мұнда соңғы 10 жылдан бері онда туу көрсеткішінің ең жоғары коэффициенті тіркеліп отыр. Онда 100 балаға 65 жастан асқан 10,8 қарттан келеді. Сондай-ақ қартаюдың төмен индексі Түркістан облысында – 11,3 және Шымкент қаласында – 11,7. Қалалық жерлерде қартаю индексі ауылды жерге қарағанда жоғары, сәйкесінше 30,7 және 24,5.

Серіктес жаңалықтары