Әйгілі әнші өмірден өтті
Әйгілі америкалық әнші Тина Тернер 83 жасында қайтыс болды деп хабарлады turkystan.kz.
Sky News жазуынша, әнші Швейцарияның Кюснахт қаласындағы үйінде ұзақ аурудан кейін көз жұмған.
«Біз Тина Тернердің қайтыс болғанын үлкен қайғымен хабарлаймыз. Ол өзінің музыкасымен және өмірге деген шексіз құштарлығымен бүкіл әлемдегі миллиондаған жанкүйерді баурап алды және болашақ жұлдыздарды шабыттандырды. Бүгін біз қымбатты досымызбен қоштасамыз, ол бізге өзінің ең үлкен еңбегі - музыкасын қалдырды. ...Тина, біз сені қатты сағынатын боламыз», - деп жазылған әншінің Instagram-дағы парақшасында.
Тернер өзінің мансабында сегіз рет Грэмми сыйлығын жеңіп алған. Ол өзінің шеберлігі, темпераменті және сахналық экспрессивтілігі үшін «рок-н-ролл ханшайымы» атағына ие болды.
