Ақпарат және қоғамдық даму министрі Дархан Қыдырәлі белгілі кинорежиссер, продюсер Тимур Бекмамбетовпен кездесіп, бірқатар мәселе бойынша пікір алмасты деп хабарлады turkystan.kz.
«Кездесу барысында телеарналардағы контент сапасын арттыру, сериалдар мен кинофильмдер түсіру, креативті индустрия, анимациялық жобалар жасау, оларды әлемдік нарыққа шығару сияқты маңызды мәселелер талқыланды. Тарихи және фэнтези тақырыптарына жиі барып жүрген Тимур мырза өзі жасап жүрген қызықты әрі маңызды жобалар туралы айтты, біз олардың бірқатарын қолдайтын болып уағдаластық» деп жазды министр әлеуметтік парақшасында.
