Алматыда ер адам үйінің терезесінен оқ атқан (ВИДЕО)

Алматы қаласында мас ер адам үйінің терезесінен оқ атқан деп хабарлады turkystan.kz. Рolisia.kz сайтының мәліметінше, Әуезов ауданындағы үйлердің бірінде ер адамның пәтер терезесінен оқ атқаны туралы хабарға патрульдік полиция қызметкерлері аттанған.

«Нәтижесінде, 1959 жылы туған К.есімді азамат ұсталды, ол алкогольдік масаң күйде өз атына тіркелген аңшы мылтығынан бірнеше рет оқ атқандығы белгілі болды. Зардап шеккендер жоқ», - делінген хабарламада.

Оның әрекетіне құқықтық баға тергеу барысында берілетін болады. ҚР ҚПК-нің 201-бабына сәйкес өзге де мәліметтер жария етуге жатпайды.

Серіктес жаңалықтары