Бұйрық қабылданды: оқу жылы қашан аяқталатыны белгілі болды

2022-2023 оқу жылын аяқтау және орта білім беру ұйымдарында білім алушыларды қорытынды аттестаттаудан өткізу мерзімдерін бекіту туралы Оқу-ағарту министрінің бұйрығы қабылданды деп хабарлады turkystan.kz. Бұл туралы Оқу-ағарту вице-министрі Шолпан Каринова Facebook-тегі парақшасында жазды. Бұйрық бойынша:

1. Меншік нысанына және ведомстволық бағыныстылығына қарамастан орта білім беру ұйымдарындағы оқу сабақтары 2023 жылғы 31 мамырда аяқталады.
2. 9 (10)-сыныптарда білім алушылардың қорытынды бітіру емтихандары 2023 жылғы 2-13 маусым аралығында өткізіледі.
3. 11 (12)-сыныптарда білім алушылардың мемлекеттік бітіру емтихандары – 2023 жылғы 5-19 маусым аралығында өтеді.
4. Қорытынды аттестаттауды өткізудің мынадай мерзімдері бекітілген:

9 (10)-сынып оқушылары үшін: 1) жазбаша жұмыс (мақала, әңгіме, эссе) – 2 маусым; 2) математика (алгебра) бойынша жазбаша емтихан (бақылау жұмысы) – 6 маусым; 3) өзге тілдерде оқытатын сыныптарда қазақ тілі мен әдебиеті бойынша жазбаша емтихан және қазақ тілінде оқытатын сыныптарда орыс тілі мен әдебиеті бойынша жазбаша емтихан – 9 маусым ; 4) таңдау пәні бойынша – 13 маусымға жоспарланған. 11 (12)-сынып оқушылары үшін: 1) оқыту тілі бойынша жазбаша емтихан – 5 маусым; 2) алгебра және анализ бастамалары бойынша жазбаша емтихан – 8 маусым; 3) Қазақстан тарихы бойынша ауызша емтихан – 12 маусым; 4) өзге тілдерде оқытатын сыныптарда қазақ тілі мен әдебиетінен және қазақ тілінде оқытатын сыныптарда орыс тілі мен әдебиетінен жазбаша емтихан – 15 маусым; 5) таңдау пәні бойынша жазбаша емтихан – 19 маусымда өткізіледі.  

Серіктес жаңалықтары