Заң бұзған шетелдіктерге сары және қызыл қағаздар беріледі

Заң бұзған шетелдіктерге сары және қызыл қағаздар беріледі Тайландтың Пхукет аралында заң бұзған шетелдіктерге сары және қызыл қағаздар берілмек деп хабарлады turkystan.kz. Ресейлік ТАСС агенттігінің хабарлауынша, бұл қағаздар футболдағы сары және қызыл қағаз жүйесімен жұмыс істемек. Яғни, бір рет заң бұзған шетелдікке әуелі сары қағаз беріледі. Сары қағаз алған шетелдік келесі жолы Тайландқа кіре алмайды. Ал екінші рет заң бұзған шетелдік елден дереу депортацияланады. Бірақ әзірге аталған шаралар қандай заңдарды бұзған шетелдікке қолданылатыны нақты жазылмаған. Сондай-ақ сары қағаз бен қызыл қағаздың күші қанша мерзімге жететітіні де, қызыл қағаз алып, депортацияланған адамның қайтадан елге кіру мүмкіндігі туралы да нақтыланбаған.