Астанадан шығатын барлық жол жабылды

Астана қаласының Төтенше жағдайлар департаменті ауа райының нашарлауына байланысты қаладан шығатын республикалық жолдар жабылғанын мәлімдеді деп хабарлады turkystan.kz. Ведомствоның мәлімдеуінше, 1 наурыз күні сағат 00.00-ден бастап республикалық маңызы бар «Астана - Ерейментау - Шідерты» тасжолының 16-200 шақырым аралығында көлік қозғалысына тыйым салынған. Бұл - Астана қаласынан Павлодар облысының шекарасына дейінгі учаске. Жолдың жабылуына қатты көктайғақ себеп. Одан бөлек, түнгі 00.00-де Астана-Қорғалжын тасжолының 19-124 шақырым аралығы жабылды. Сонымен қатар 28 ақпан түнгі 23.15-тен бастап боранға байланысты «Қызылорда-Павлодар» автожолының 1367-1258 шақырым аралығында да бүкіл көлік түрлеріне шектеу енгізілді. Бұл - Ленин кентінен Екібастұз қаласына дейінгі аралық. «ҚазАвтоЖол» ұлттық компаниясы елордадан шығатын барлық жол жабылғанын ескертіп, жолаушылардан алыс жолға шықпауды өтінді.

Серіктес жаңалықтары