50145
Дәрігерлер магнит жұтып қойған баланы аман алып қалды
Дәрігерлер магнит жұтып қойған баланы аман алып қалды
![Дәрігерлер магнит жұтып қойған баланы аман алып қалды](https://turkystan.kz/cache/imagine/1200/uploads/resized-images/2023/02/photo1675702963-1.jpeg)
Қарағандылық дәрігерлер бірнеше магнит жұтып қойған баланың өмірін сақтап қалды. Екі жасар сәбидің ішек-құрылысынан бөгде заттарды алып тастау үшін операция жасалды деп хабарлады turkystan.kz.
4 ақпан күні облыстық балалар ауруханасына 2 жасар бала түсті. Ол іші ауырып, құсқысы келетінін айтқан. Қабылдау бөлімінде іш қуысы мүшелерінің рентгенографиясы жасалып, асқазан-ішек жолдарында бөгде заттар (магниттер) бар екені анықталды.
«Тез арада балаға операция жасалды. Операция кезінде ішек перфорациясының (жарылып кетуі) аймақтары анықталды. Бөгде заттың металл магниттер екені белгілі болды, барлығы 11 дана болып шықты. Операция 1,5-2 сағатқа созылды. Қазіргі уақытта бала жансақтау бөлімінде», - деп хабарлады Қарағанды облысының Денсаулық сақтау басқармасы.