50272
Жамбыл облысының үш ауданындағы бірнеше ауылды су басты
Жамбыл облысының үш ауданындағы бірнеше ауылды су басты
![Жамбыл облысының үш ауданындағы бірнеше ауылды су басты](https://turkystan.kz/cache/imagine/1200/uploads/resized-images/2023/02/63df22db00d31616188240.jpg)
Жамбыл облысының үш ауданындағы бірнеше ауылды су басты деп хабарлады turkystan.kz Жамбыл облысы Төтенше жағдайлар департаментінің баспасөз қызметіне сілтеме жасап.
Департаменттің мәліметінше, Тұрар Рысқұлов, Меркі және Шу аудандарындағы бірнеше елді мекенде аула аумақтарын еріген қар суы басқан. ЖАО және ТЖД қызметкерлері бірігіп, аула аумақтарынан еріген қар суын сорып шығару және бұру жұмыстарын жүргізіп жатыр.
Тұрар Рысқұлов атындағы аудан бойынша жағдай тұрақты. Көмек көрсету жұмыстарына 60-қа жуық адам, 6 бірлік техника және 4 мотопомпа жұмылдырылды.
Шу ауданында да осындай жағдай, ол жерде де облыстың ЖАО және ТЖД өкілдері жұмыс істеп жатыр. Сарысу ауданында да жағдай бақылауға алынды.
Жамбыл облысы ЖАО және ТЖД бөлімшелері су айдау жұмыстарын дер кезінде жүргізуде. Тұрар Рысқұлов атындағы ауданның бірқатар елді мекеніндегі жұмыс аяқталғаннан соң, күштер мен құралдар кезекшілік атқару және қажетті жұмыстарды жүргізу үшін Жақсылық ауылына жіберілді.