Елена Рыбакина жеке рекордын орнатты

Қазақстандық теннисші Елена Рыбакина карьерасында екінші рет Үлкен Дулыға турнирінің финалында ойнады және алғаш рет WTA әлемдік рейтингінде топ-10 теннисшінің қатарына кірді деп хабарлады turkystan.kz. Рыбакина 1 300 ұпай жинап, 2 815 ұпаймен Live рейтингінің алғашқы ондығына көтерілді. Мельбурндегі Australian Open турнирінің әйелдер арасындағы шешуші матчында 23 жастағы қазақстандық теннисші Елена Рыбакина Беларусь өкілі Арина Соболенкомен ойнап, күміс жүлдегер атанғанын жазған болатынбыз.