19 жастағы қазақстандық ойыншы еуропалық клуб сапында гол салды
Данил Анкудинов «Шериф» сапында гол салды деп хабарлады turkystan.kz Vesti.kz сайтына сілтеме жасап.
Молдова Кубогінің 1/8 финалында «Сперанца» клубына қарсы матчта Анкудинов негізгі құрамда алаңға шығып, 9 минутта ерекшеленді. Ал ойын 0:6 есебімен «Шерифтің» пайдасына аяқталды.
Айта кетейік, 19 жастағы қазақстандық футболшы тираспольдік клубқа 2022 жылдың ақпан айында ауысқан еді. Анкудинов «Шерифпен» бірге Молдова чемпионы атанды.
