Қазақстандық колледж түлегі әлем чемпионатында қола медаль жеңіп алды (ВИДЕО)

Қазақстандық колледж түлегі Дина Афанасьева WorldSkills Competition 2022 Special Edition әлем чемпионатында қола медаль жеңіп алды деп хабарлады turkystan.kz. Жарыс 9-17 қазан аралығында Оңтүстік Кореяда, Коян қаласында өтті. Отандасымыз «веб-технологиялар» құзыреті бойынша осындай жоғары нәтижеге қол жеткізді. Бұл - дүние жүзіндегі колледж студенттеріне арналған ең беделді жарыста алған Қазақстанның алғашқы медалі.

«Динаны жеңісімен құттықтаймын! Оның еңбегі, білімі мен табандылығы - еліміздің барлық колледж студенттеріне үлгі. Сондай-ақ әріптесім, елордалық колледж оқытушысы Айжан Зиядановаға студентінің тамаша нәтижесі үшін алғыс айтқым келеді. Алда Динаны жаңа жеңістер мен биік белестер күтіп тұрғанына сенімдімін», - деді Оқу-ағарту министрі Асхат Аймағамбетов.

Айта кетейік, жарыс 10 елдің 16 қаласында өтіп, 28 қарашаға дейін жалғасады. Видеоны осы сілтеме арқылы көре аласыз.